Алматы метросының 7 станциясында интернетке қосылу мүмкіндігі бар ұялы байланыс іске қосылды. Әзірге ұялы байланыс қызметін бір ғана оператор көрсетеді. Бұл туралы метрополитеннің Баспасөз қызметі хабарлады.
Қазіргі таңда ұялы байланыс «Райымбек», «Жібек Жолы», «Алмалы», «Абай», «Байқоңыр», «Мұхтар Әуезов атындағы театр» және «Алатау» станцияларының платформаларында бар. Дегенмен, таяу уақытта қалған станцияларда да ұялы байланыс іске қосылмақ.
Әзірге қызметті бір ғана ұялы оператор көрсететін болса, метрополитен әкімшілігі өзге байланыс компанияларын да тартуды жоспарлап отыр. Сонымен қатар, интернет пен ұялы байланыс станция платформаларында ғана емес, метро вагондарында да қолжетімді болады.
