Қазақстан Республикасы Президенті Қасым-Жомарт Тоқаевтың тапсырмасы аясында елде жас зерттеушілерді әлеуметтік қолдаудың жүйелі шаралары кезең-кезеңімен жүзеге асырылып келеді. Бұл бастамалар жас ғалымдардың ғылыми әлеуетін нығайтуға, кәсіби дамуын тұрақтандыруға және ұзақ мерзімді зерттеулер жүргізуге қолайлы жағдай жасауға бағытталған.
Аталған тапсырманы іске асыруда Қазақстан Республикасы Ғылым және жоғары білім министрлігі маңызды рөл атқарып, жас ғалымдарды қолдауға арналған нақты механизмдерді, соның ішінде тұрғын үй бағдарламаларын жүзеге асыруға ықпал етуде. Мұндай қолдау ғылыми орта үшін әлеуметтік тұрақтылықты күшейтіп, зерттеушілердің ғылыми нәтижеге бағытталған жұмысына мүмкіндік береді.
Осы орайда Кенжеғали Сағадиев атындағы Халықаралық бизнес университеті (UIB) үшін маңызды оқиға орын алды. UIB Ғылыми қызмет департаментінің директоры, PhD Нурбацин Ақан Сейтқанұлы жас ғалымдарды қолдау бағдарламасы аясында екі бөлмелі пәтерге ие болды. Бұл – мемлекеттік қолдаудың нақты нәтижесі әрі университет ғалымдарының еңбегі мен ғылыми қызметінің мойындалуының көрінісі.
