2025 жылғы QS Asia University Rankings 2025 – Азияның ең үздік университеттерінің жаңа рейтингін жариялады. Рейтингке 25 елден 984 университет, оның ішінде Қазақстаннан 35 оқу орны қатысты.
Казақстандық жоғары білім сегменті бұрын-соңды болмаған даму динамикасын көрсетті. 35 жоғары оқу орны арасынан 3 университет алғашқы жүздікке енді. Атап айтқанда, әл-Фараби атындағы ҚазҰУ 29-орыннан, Л.Н. Гумилев атындағы ЕҰУ 65-орыннан, Satbayev University 89-орыннан көрінді. Абай атындағы ҚазҰПУ Қазақстан мен Орталық Азия елдері бойынша 4-орынды, еліміздің педагогикалық жоғары оқу орындары арасында 1-орынды иеленді.
Абай университеті – Азияның үздік ТОП-150 университеті қатарына еніп, 131-орынға ие болды. Бұл өткен жылмен салыстырғанда 15 позицияға жоғарылады. Университеттің ең жоғары көрсеткіштері академиялық бедел, түлектердің жұмыспен қамтылуы және студенттер мен оқытушылар құрамының арақатынасы бойынша жоғары бағаланды.
QS компаниясының аймақтық директоры Сергей Христолюбовтың айтуынша, қазақстандық қатысушылардың саны еліміздегі жоғары білім тарихында абсолютті рекорд орнатып, есептеу көрсеткіштерінің орташа мәндері әдістемелік көрсеткіштердің әрқайсысы бойынша артты, бұл ғаламдық бәсекеге қабілеттілікті арттыру бойынша жүйелі жұмыстың нәтижесін көрсетеді. Сонымен қатар, Сергей Христолюбов биылғы жылы журналдарындағы қазақстандық авторлардың жарияланған мақалаларының үлесі Q1 және Q2 алғаш рет 70%-дан асты.
