Әлия патшайым атындағы халықаралық әуежайдан Қасым-Жомарт Тоқаевты ханзада Әли бен әл-Хусейн құрметпен шығарып салды, деп хабарлайды Ақорданың баспасөз қызметі.
Айта кетейік, Президент ресми сапары барысында Иордания Королі II Абдалла бен әл-Хусейнмен келіссөз жүргізді. Қасым-Жомарт Тоқаев екі ел арасындағы достық пен ынтымақтастықты нығайтуға үлес қосып келе жатқаны үшін Иордания көшбасшысына алғыс айтты. Президенттің пікірінше, Иордания – бейбітшілік пен тұрақтылықты сақтауға бейіл ел ретінде халықаралық қоғамдастық тарапынан мойындалған мемлекет.
Сапар аясында 10 құжатқа қол қойылды. Мемлекет басшысы Король II Абдалланы «Алтын Қыран» орденімен марапаттады. Қасым-Жомарт Тоқаев сонымен қатар Иордания музейін аралап көрді.
