Йоханнес Клэбо Милан және Кортина-Д’Ампеццодаға қысқы Олимпиада ойындарында 50 шақырымдық классикалық стильдегі марафонда топ жарды. Осылайша, ол 11 дүркін Олимпиада чемпионы атанды.
Клэбо 50 шақырымды 2 сағат 06 минут 44,8 секундта еңсерді. Жүлделі орындардың барлығы дерлік норвегиялықтардың еншісінде қалды:
- Йоханнес Клэбо – 2:06:44,8;
- Мартин Нюэнгет – +8,9 секунд;
- Эмиль Иверсен – +30,7 секунд.
29 жастағы Клэбо Италиядағы Олимпиадада бұған дейін де бірнеше дисциплинада алтын алған. Ол скиатлонда, спринтте, жеке жарыста, эстафетада, командалық спринтте және 50 км марафонда жеңіске жетіп, бір қысқы Олимпиадада 6 алтын медаль алған алғашқы спортшы ретінде рекорд жаңартты.
Клэбоның Олимпиададағы олжасы бұнымен шектелмейді:
- Пхенчхан-2018: 3 алтын медаль;
- Бейжің-2022: 2 алтын медаль.
Осы көрсеткіштерімен ол қысқы Олимпиада тарихында алтын медаль саны бойынша ерекше рекордқа ие спортшылардың қатарын кеңейтті.
Есбол ҚУАТҰЛЫ
