Қазақстандықтар eGov.kz порталында өз құжаттарына өзгеріс енгізе алады

0
1513

Енді қазақстандықтар eGov.kz – электронды үкімет порталында туу туралы куәлікке, аты-жөнін өзгертуге, неке қию және ажырасу, бала асырап алу және қайтыс болу туралы актілік жазбаларға өздері өзгеріс енгізе алады. Бұл туралы «Ұлттық ақпараттық технологиялар» АҚ хабарлады.

«Біраз қазақстандық eGov.kz порталында актілік жазбаларға өз бетінше өзгеріс енгізуге болатынын біле бермейді. Мұнда сіз туу туралы, неке қию туралы және некені бұзу туралы куәліктер секілді құжаттарға өзгерістер енгізе отырып, оларды қайта шығаруға өтініш бересіз. Мәселен, егер бұрын адамның тегін өзгерту үшін ХҚКО-ға бару қажет болса, қазір оны электронды түрде жасауға болады және ол үшін кезекте тұрудың қажеті жоқ», – деп мәлімдеді «Ұлттық ақпараттық технологиялар» АҚ басқарма Төрағасы Ростислав Коняшкин.

Сонымен төмендегідей жағдайда құжаттарға өзгеріс енгізуге болады:

  • тегін және атын, әкесінің атын өзгерткенде;
  • әке болу туралы сот шешімінің күші жойылғанда;
  • некеде тұрмаған ананың туу туралы актілерді тіркеу кітабына баланың әкесі туралы мәліметтер енгізу жөніндегі өтініші түскен жағдайда;
  • егер азаматтық хал актісін тіркеу кезінде қате (бұрмалау, мәліметтерді немесе жекелеген сөздерді тастап кету) жіберілсе;
  • азаматтық хал актілері жазбаларындағы қателер сот тәртібімен анықталғанда;
  • некені бұзуға немесе некені жарамсыз деп тануға байланысты ерінің (зайыбының) тегі өзгертілгенде;
  • ұл (қыз) асырап алудың күшін жою немесе оның күші жоқ деп тану, сондай-ақ некенің күші жоқ деп тану туралы сот шешіміне байланысты;
  • ұлты өзгерген жағдайда;
  • ата-ананың арасындағы некенің тоқтатылуына немесе некенің жарамсыз танылуына байланысты кәмелетке толмаған баланың тегін өзгерткенде және тағы басқа.

Аталмыш қызметті электрондық үкімет порталының «Азаматтарға» – «Отбасы» бөлімінен табуға болады.

Құжаттарға өзгеріс енгізуге өтініш беру жолдары:

  • eGov.kz порталында авторизациядан өту;
  • қызметтін түрін таңдау;
  • куәлік беретін ХҚКО филиалын таңдау;
  • отбасы жағдайы мен табыс көзін көрсету;
  • актілік жазбаның нөмірі мен тіркелген күнін көрсету, оған өзгерістер енгізу;
  • акт жазбасы үшін қандай өзгерістер, түзетулер, толықтырулар қажеттігін көрсету;
  • өзгерістер енгізу үшін растайтын құжатты тіркеу;
  • төлем жасау;
  • өтінішке қол қою.

Қызмет нәтижесі eGov.kz порталының мәртебе парағында және жеке кабинетінде хабарлама түрінде пайда болады. Дайын құжатты өтінімде көрсетілген Халыққа қызмет көрсету орталығынан алу қажет.

Жауап қалдырыңыз

Please enter your comment!
Please enter your name here