Соңғы 10 жылда мектеп оқушыларының саны 1 млн-ға артып, олардың саны 3,7 млн-ға жетті. Бұл – бір. Екіншіден, урбанизация, көші-қон, жаңа салынған тұрғын үй кешендері, мектептердің тозуы сияқты факторлардан қалаларда мектеп тапшылығы пайда болды. Осындай факторларды ескерген Мемлекет басшысының тапсырмасымен былтыр желтоқсан айының басында «Жайлы мектеп» ұлттық жобасы қабылданды. Енді ұлттық жобаны жүзеге асырудың нәтижесінде 2025 жылдың соңына дейін қазақстанның әр өңірінде 842 мың оқушыға арналған 401 заманауи әрі жайлы мектеп бой көтереді.
