Мақтағали БЕКТЕМЕСОВ: «Бірде-бір мәселе университет басшылығының назарынан тыс қалмайды»

0
3349
Абай атындағы ҚазҰПУ басшылығына университет пен оның құрылымдық бөлімшелерінің қызметі туралы сұрақтар көп түсуде. Олардың ешқайсысы жауапты тұлғалардың назарынан тыс қалмайды. Жиі қойылатын сұрақтарға оқу ісі жөніндегі проректор Мақтағали Бектемесов жүйелі түрде нақты жауап берді.
– Ағымдағы оқу жылының екінші семестрі қандай форматта ұйымдастырылатын болады?
– Көктемгі семестрдегі оқу дәстүрлі және аралас форматта өтеді. Абай атындағы ҚазҰПУ-да көктемгі семестрдің оқу процесі бакалавриат (1-5 курс), магистратура және PhD докторантураның білім деңгейлері үшін 2022 жылдың 24 қаңтарында басталады. Ағымдағы жылдың 6 ақпанына дейін оқу форматы онлайн өтеді, оқу процесін ұйымдастыру үшін барлық қажетті жағдайлар жасалған.Ал 2022 жылғы 7 ақпаннан бастап бакалавриат, магистратура, PhD докторантураның барлық білім беру деңгейлері үшін оқу үдерісі төмендегідей форматта ұйымдастырылады: дәрістер – білім беру платформалары арқылы, онлайн форматта; семинарлар, зертханалық және практикалық сабақтар – санитарлық-эпидемиологиялық режим нормалары сақтала отырып, офлайн форматта.
– Коронавирусқа қарсы вакцинациялау қажет пе?
– Біз ұжымдық иммунитетті қалыптастыру және ұжымымыздың барлық мүшелерінің денсаулығын сақтау үшін қызметкерлер мен студенттерді вакцинациялауды жалғастырудамыз.
Біз 100% вакцинацияға ұмтыламыз, бірақ студенттерден ПТР тестілеуді талап етпейміз. Яғни, «жасыл» немесе «көк» статусымен студенттеріміз оқу корпустарына, жатақханаларға кедергісіз кіріп, кітапханаларда жұмыс істей алады.Студенттер де, университет қызметкерлері де оқу ғимараттарына кірген кезде Ashyq қолданбасын пайдалануы керек. Арнайы QR кодын сканерлеу кезінде «жасыл» немесе «көк» мәртебесі бар тұлғалар оқу ғимараттарына жіберіледі. Сонымен қатар, міндетті түрде, біз бетперде режимін қатаң сақтауды талап етеміз, әсіресе аудиторияларда.Университет басшылығы, институт директораты және эдвайзерлер тарапынан студенттер арасында олардың денсаулығының қауіпсіздігін қамтамасыз ету мақсатында түсіндірме жұмыстары жүйелі түрде жүргізілуде.

– Бір ЖОО-дан екіншісіне ауыстыру қалай жүзеге асады?

– Студентті басқа ЖОО-ға ауыстыру рәсімі 23.01.2022 жылға дейін – екінші семестр басталғанға дейін жүзеге асырылады. Аударма ережелері:

  1. Басқа ЖОО-ға ауысуға ниет білдірген студент оқу орнының ректорының атына жазбаша өтініш береді және ауысу туралы жазбаша келісімін алған соң өзі таңдаған ЖОО-ның басшысына мөрмен бекітілген, өтінішті жібереді.
  2. Бастапқы жоғары оқу орнының ректоры студентті ауыстыру арқылы оқуға қабылдау туралы жеке істі және бұйрықтың көшірмесін жіберу туралы жазбаша өтінішті алғаннан кейін «(ЖОО атауы) ауысуына байланысты оқудан шығарылды» деген мазмұнда оқудан шығару туралы бұйрық шығарады» және оқудан шығару туралы бұйрық шығарылған күннен бастап үш жұмыс күні ішінде студенттің жеке ісін қабылдаушы ЖОО мекенжайына жібереді.

Қажетті құжаттар: транскрипт, ҰБТ сертификатының көшірмесі, куәліктің көшірмесі, жеке куәліктің көшірмесі.

  1. Студентті басқа ЖОО-нан қабылдау тәртібі бойынша қабылдаушы ЖОО ректорының атына ауыстыру туралы жазбаша өтініш берілуі қажет.

ЖОО басшысы мен тіркеуші қол қойған транскрипттің көшірмелері және мөр басылған білім гранты иегерінің куәліктері, өзі оқыған ЖОО басшысының атына өтініштер (басшының қолы мен мөрімен) қабылдаушы ЖОО басшысының атына ауысу туралы өтінішке қоса беріледі.

Қажетті құжаттар: транскрипт, ҰБТ сертификатының көшірмесі (педагогикалық мамандықтар үшін үшін кемінде 75 балл, педагогикалық емес үшін кемінде 70 балл), аттестаттың көшірмесі және жеке куәлік.

Ұқсас материалдарРедактордың өзгеде жазбалары

Жауап қалдырыңыз

Please enter your comment!
Please enter your name here