Осы күнге дейін жазғы және қысқы Олимпиада ойындарында 18 553 жүлде, соның ішінде 6 075 алтын медаль өз иесін тапқан. Өкінішке қарай, төрт жылда бір келетін дүбірлі додада 74 мемлекетке жүлде бұйырмай жүр. Олимпиада чемпионы шықпаған 36 мемлекет тағы бар. Посткеңестік кеңістікте Молдова, Қырғызстан мен Түркіменстаннан әлі Олимпиада чемпионы шыққан жоқ. Олимпиада чемпионымен мақтана алмайтын мемлекеттердің басым бөлігін мұсылман елдері құрайды. Ал, ең көп Олимпиада чемпионы шыққан мұсылман елдерінің көшін Түркие бастайды. Анадолы елінен 41 чемпион шықты. Салыстырмалы түрде айтсақ, қос Олимпиада ойындарынан АҚШ 1 165, Ұлыбритания 296, Германия 292 алтын медаль алған.
