NU мен Финляндия университеттері жасаған оқытушыларға арналған бағдарлама іске қосылды 

0
1131

Назарбаев Университетінің Жоғары білім беру мектебі (NU GSE) Финляндияның жетекші университеттері – Финляндияның үздік университеттері – Қолданбалы ғылымдар университеті (Häme University of Applied Sciences) және JAMK қолданбалы ғылымдар университетімен (University of Applied Sciences) бірлесіп, «Педагогикалық білім беру моделін енгізу және оның мазмұнын нығайту» атты жобаны іске қосты.

Дүниежүзілік банк пен ҚР Ғылым және жоғары білім министрлігі қолдау көрсеткен «Педагогикалық білім беру моделін енгізу және оның мазмұнын нығайту» атты ауқымды жобаның мақсаты – педагогикалық оқытудың жетілдірілген моделін енгізу және 30 білім беру бағдарламасын бейімдеу.

«Министрлік өткен жыл бойы мұғалімдердің білімін арттыру бойынша үлкен жұмыс атқарды. Жеке тұжырымдама қабылданды. Педагогикалық университеттердің арнайы жұмыс тобы NU-мен бірлесіп, осы тұжырымдама аясында Дүниежүзілік банк жобаларын жүзеге асыруға қатысқан Финляндиядан келген серіктестермен жұмыс жасады. Қазір жобаны ауқымды жүзеге асыру кезеңі – ЖОО оқытушылары арасында білімді тарату кезеңі басталады. Ескі мазмұнмен жаңа мәселелерді шешу мүмкін емес. Бұл біздің ұжымдық шешімді қажет ететін үлкен процесс», – деді бейнебайланыс арқылы қатысушыларды қарсы алған Ғылым және жоғары білім министрі Саясат Нұрбек.

Жоба онлайн және офлайн форматтарында өтіп, 2024 жылдың қаңтар-маусым айлары аралығында жалғасады. Оқу барысында 1800 оқытушы қазіргі заманғы мұғалімдердің білім беру тенденциялары, студентке бағдарланған оқыту мәселелері және цифрлық педагогика бойынша өз құзыреттілігін арттырады. Сонымен қатар, сарапшылар ЖОО-ның 200 оқытушысы мен 50 ауыл мектебінің директорлары үшін білім берудегі көшбасшылық саласындағы біліктілікті арттыру бағдарламасы бойынша тренингтер өткізеді, сонымен қатар CLIL технологиясы – пәндік-тілді кіріктірілген оқыту – ЖОО-ның 100 оқытушысы үшін тренинг өткізеді.

NU президентінің м.а. доктор Илесанми Адесида оқытушыларды оқу курсының басталуымен құттықтап, Назарбаев Университетінің қазақстандық білім беруді өзгертуге қосқан үлесін атап өтті. Тренингтерді финдік сарапшылар мен Назарбаев Университетінің сарапшылары, соның ішінде NU GSE Қауымдастырылған профессорлары Дүйшөнкүл Шаматов пен Сұлушаш Керімқұлова, NU академиялық сапа жөніндегі директоры Әлия Сүлейменова, NU институттық тиімділік жөніндегі қауымдастырылған директоры Айжан Мусина жүргізеді. Жобаға жергілікті сарапшылар мен қазақстандық жоғары оқу орындарынан 50 педагогикалық әзірлеуші де тартылды.

«Бұл инновациялық білім беру жобасы, оның аясында Дүниежүзілік банк арқылы 30 білім беру бағдарламасы бейімделген. Өкінішке орай, педагогикалық жоғары оқу орындарында соңғы жылдары үлкен өзгерістер мен реформалар болған жоқ. Бүгінгі іске асырылып жатқан бағдарлама – осындай бірінші бастамалардың бірі. NU Жоғары білім беру мектебі осы бағдарлама арқасында педагогикалық университеттердегі білімі жақсаруына үміттенеді», – деді тренерлер құрамының өкілі, NU Жоғары білім беру мектебінің профессоры Дүйшөнкүл Шаматов.

«Мұғалім әлеуетін нығайту үдерісі тұрақты болуы үшін бізге ең алдымен жүйелі көзқарас қажет. Қазақ мұғалімдерімен серіктесе отырып, бағдарламаның мазмұнын дайындадық. Курс аясындағы біздің міндетіміз – педагогикалық жоғары оқу орындары үшін жаңа бейімделген силлабус құру. Біз әлемдегі ең үздік білім беру жүйесінің өкілдері ретінде өз тәжірибемізбен бөлісеміп отырмыз», – деп атап өтті HAMK университетінің тренері Ирмели Лингнель.

15-19 қаңтар аралығында Назарбаев Университетінде, Абай атындағы ҚазҰПУ-де және О.Жәнібеков атындағы Оңтүстік Қазақстан педагогикалық университетінде параллель офлайн сессиялар өтеді. 22-26 қаңтар аралығында сессиялар Ә. Марғұлан атындағы Павлодар педагогикалық университетінде, Қожа Ахмет Ясауи атындағы Халықаралық қазақ-түрік университеті мен Х.Досмұхамедов атындағы Атырау университетінде жоспарланған. 950-ден астам адам қатысады деп күтілуде.

NU Жоғары білім мектебі қазақстандық білім беру жүйесін трансформациялау үдерісінің флагманы болып табылып, оқытушылар мен университеттердің топ-менеджментіне арналған арнайы курстар мен бағдарламаларды өткізу арқылы үнемі өз тәжірибесімен бөліседі. Осылайша, 2023 жылы мектепте ЖОО басшыларының біліктілігін арттыруға арналған 9 айлық ауқымды Executive University Leadership Program – университет көшбасшылығына арналған бағдарламасы ұйымдастырылды. Динамикалық жағдайда университеттерді тиімді басқаруға қажетті теория, инновациялық технологиялар мен практикалық құралдарды қамтитын тоғыз модульдік оқытуды Қазақстанның 28 мемлекеттік университетінің 100-ге жуық топ-менеджерлері аяқтады.

Жауап қалдырыңыз

Please enter your comment!
Please enter your name here